ग्यास उद्योग मर्जरमा आयकर छुट दिन उद्योगीको माग

काठमाडौँ। नेपाल एलपी ग्यास उद्योग संघले ग्यास उद्योगहरू आपसमा गाभ्ने (मर्जर) प्रक्रियामा आयकर छुटको व्यवस्था मिलाइदिन नेपाल आयल निगमसँग माग गरेको छ।

ग्यास बिक्री वितरण सहज बनाउन र उपभोक्ता हित प्रवर्द्धन गर्न निगमले चालू आर्थिक वर्षको नीति तथा कार्यक्रममार्फत अघि सारेको मर्जर नीतिलाई कार्यान्वयन गर्न उद्योगीहरूले कानूनी तथा करसम्बन्धी सहजीकरण मागेका हुन्।