नक्कली प्रमाणपत्र पेस गरी शिक्षिका बनेकी शाहीलाई ६ महिना कैद सजाय

काठमाडौँ । नक्कली शैक्षिक योग्यताको प्रमाणपत्र पेस गरी बालविकास शिक्षक पदमा जागिर खाएको अभियोगमा विशेष अदालतले कैलालीकी नन्दाकुमारी शाहीलाई दोषी ठहर गर्दै कैद र जरिवानाको फैसला सुनाएको छ ।

विशेष अदालतका अध्यक्ष बासुदेव आचार्य तथा सदस्यहरू हेमन्त रावल र विदुर कोइरालाको इजलासले प्रतिवादी शाहीलाई ६ महिना कैद र १० हजार रुपैयाँ जरिवाना हुने ठहर गरेको हो ।