भरतपुरमा ट्राफिकलाइट प्रयोगबारे सचेतना कार्यक्रम 

चितवन – भरतपुर महानगरपालिकामा जडान गरिएका ट्राफिकलाइट सञ्चालनको तयारीसँगै यात्रु तथा सवारी चालकलाई यसको प्रयोग र सडक सुरक्षाबारे सचेत गराउन थालिएको छ ।

महानगरपालिकाले चौबिसकोठीमा जडान गरिएको ट्राफिकलाइटको परीक्षण गर्दै बिहीबारदेखि सचेतना कार्यक्रम सुरु गरेको हो । महानगरका प्रमुख चोकहरूमा ट्राफिकलाइट जडान गरिए पनि नियमित सञ्चालनमा आउनुअघि सर्वसाधारणलाई यसको प्रयोगबारे जानकारी गराउन कार्यक्रम थालिएको हो ।