निजी लगानी भित्र्याउन पूर्वाधार क्षेत्रका कानुनी अवरोध हटाउँछौं : अर्थमन्त्री

काठमाडौँ- अर्थमन्त्री स्वर्णिम वाग्लेले नेपाल पूर्वाधार सम्मेलनलाई विगतका अभ्यासभन्दा फरक ढंगले अघि बढाउने तयारी भइरहेको बताएका छन्। पुरानै परम्परालाई निरन्तरता दिनुभन्दा नयाँ सोच र संरचनासहित सम्मेलनको छुट्टै पहिचान स्थापित गर्ने सरकारको योजना रहेको उनले बताएका हुन्।

काठमाडौँमा बिहीबार आयोजित पत्रकार सम्मेलनमा अर्थमन्त्री वाग्लेले पूर्वाधार तथा लगानी क्षेत्रका नीतिगत र कानुनी अवरोध हटाउँदै संरचनागत परिवर्तन गर्ने गरी सरकार अघि बढिरहेको बताए।