सार्वजनिक प्रदर्शनमा मानव अधिकार संरक्षण सरकारको प्राथमिकता

काठमाडौँ, १९ कात्तिकः गृहमन्त्री सुधन गुरुङले भीड नियन्त्रणका क्रममा अत्यधिक बल प्रयोग गर्ने प्रवृत्ति परिवर्तन गर्नुपर्नेमा जोड दिनुभएको छ ।

संयुक्त राष्ट्रसङ्घीय आवासीय संयोजकको कार्यालयको आयोजनामा यही कात्तिक १७ देखि १९ गतेसम्म राष्ट्रिय प्रहरी प्रशिक्षण प्रतिष्ठानमा सञ्चालित ‘शान्तिपूर्ण प्रदर्शन र मानवअधिकारको संरक्षण’सम्बन्धी कार्यशालाको आज समापन गर्दै गृहमन्त्री गुरुङले बल प्रयोग गर्दा आवश्यकता र जवाफदेहिताको सिद्धान्तलाई व्यवहारमा लागू गर्नुपर्ने बताउनुभयो ।