बंगलादेशमा श्रमिकको प्रदर्शन जारी, सयभन्दा बढी कारखाना बन्द

ढाका । न्यूनतम ज्याला वृद्धि गर्न माग गर्दै बंगलादेशका गार्मेन्ट श्रमिकले बिहीबार पनि प्रदर्शन जारी राखेका छन् । सरकारले आगामी डिसेम्बरदेखि नयाँ पारिश्रमिक संरचना लागु गर्ने निर्णय गरे पनि ज्याला वृद्धिको वास्तविक रकम सार्वजनिक नभएपछि श्रमिकको आन्दोलन रोकिएको छैन ।

प्रदर्शनका कारण राजधानी ढाकानजिकैको प्रमुख औद्योगिक क्षेत्र अशुलियामा मात्रै सयभन्दा बढी गार्मेन्ट कारखाना बन्द भएका छन् । श्रमिकले राजमार्ग अवरुद्ध गर्नुका साथै प्रहरीसँग झडप गरेका थिए । प्रहरीले अश्रुग्यास र ध्वनि ग्रिनेड प्रयोग गरेर प्रदर्शनकारीलाई तितरबितर पारेको जनाएको छ ।