विराटनगरमाथि काठमाडौँको एक पक्षीय जित

काठमाडौँ। नेपाल प्रिमियर लिगको बिहीबार भएको दाेस्राे खेलमा काठमाडौँ गुर्खाजले विराटनगर किङ्स माथि एक पक्षीय जित हात पारेको छ। विराटनगरले दिएको ८४ रनको लक्ष्य पछ्याएको काठमाडौँ गुर्खाजले ९ दशमलव ४ ओभरमा १ विकेट गुमाएर ८६ रन बनाएको हो।

काठमाडौँका डेभिड वार्नरले अविजित रहँदै २४ बलमा ४४ रनको योगदान गरे। उनको पारीमा २ चौका र ३ छक्का समावेश थियो। विलियम बास्तोलाले अविजित रहँदै २४ बलमा २३ रन जोडे। सहिल पटेल १० रनमा आउट भए। उनलाई अप्रजित पौडेलले आउट गरे।