विराटनगरको धराशायी ब्याटिङ, वार्नरको आक्रामक जवाफ

१९ कात्तिक, काठमाडौं । नेपाल प्रिमियर लिग (एनपीएल) २०२६ अन्तर्गत सुरुवाती दुई खेलमा पराजित भएपछि दुई जितका साथ पुनरागमन गरेको विराटनगर किङ्सले पाँचौं खेलमा झट्का बेहोरेको छ ।

ब्याटिङ एकाएक धराशायी बन्दा काठमाडौं गोर्खाजविरुद्ध बिहीबार ८३ रनमै समेटिएको विराटनगरले जारी प्रतियोगिताकै न्यून योगफल बनायो। जवाफमा डेभिड वार्नरको आक्रामक ब्याटिङमा काठमाडौंले ८४ रनको लक्ष्य ९.४ ओभरमै पूरा गर्दै सहज जित निकाल्यो।