कृष्णनगरका २६१ परिवारले पाए लालपुर्जा

काठमाडौँ। कपिलवस्तुको कृष्णनगर नगरपालिकाका २६१ परिवारले लामो प्रतीक्षापछि गाउँब्लक जग्गाको जग्गाधनी दर्ता प्रमाणपुर्जा (लालपुर्जा) प्राप्त गरेका छन्।

कृष्णनगर नगरपालिका र नापी कार्यालय तौलिहवाको संयुक्त आयोजनामा कृष्णनगर–९ मा आयोजित कार्यक्रममा वडा नं १ का ७३, वडा नं ७ का ४९ र वडा नं ९ का १३९ जना जग्गाधनीलाई लालपुर्जा वितरण गरिएको हो। विसं २०७० मा नापजाँच गरिएको जग्गाको कानुनी स्वामित्व प्राप्त भएपछि पाँच पुस्तादेखि भोगचलन गर्दै आएका स्थानीयवासी निकै खुसी भएका छन्।