किबीले दिएको सफलताको स्वाद

अलैँचीखेतीमा लगानी डुबेपछि बागलुङ नगरपालिका–२ दमेकका मातृकाप्रसाद शर्माले किबीखेती थाले। पाँच रोपनीबाट सुरु गरेको खेती अहिले २५ रोपनीमा फैलिएको छ। किबी बिक्रीबाट गत वर्ष चार लाख रुपैयाँ आम्दानी भएपछि उनी व्यावसायिक खेती विस्तारमा लागेका छन्।

रोजगारीका लागि दुई वर्ष मलेसियामा बिताएर गाउँ फर्किएका शर्माले सुरुमा ३० रोपनी जग्गा भाडामा लिएर अलैँचीखेती गरेका थिए। हावापानी अनुकूल नहुँदा खेतीबाट अपेक्षित उत्पादन लिन सकेनन्। त्यसपछि उनले किबी रोजे।