आजदेखि तिहार सुरु, धनतेरस मनाइँदै

२० कात्तिक, काठमाडौं । नेपालीको दोस्रो ठूलो चाड तिहार आजदेखि सुरु भएको छ। तिहारको पहिलो दिन आज धनतेरस मनाइँदैछ। यस दिन नयाँ सुनचाँदीका गरगहना, सिक्का तथा धातुका भाँडाकुँडा खरिद गरी घरमा ल्याएर पूजा गर्ने परम्परा छ।

धनतेरसका अवसरमा नयाँ धातुका सामग्री तथा गरगहना किन्दा घरमा सुख, समृद्धि र धनधान्य भित्रिने धार्मिक विश्वास रहिआएको छ। यसै अवसरमा बजारमा सुनचाँदी तथा भाँडाकुँडा किन्नेहरूको चहलपहल बढ्ने गरेको छ।