भुवन–गरिमाको ४० वर्ष पुरानो प्रेममा

४ दशकअघिको प्रेमकथा, तत्कालीन नेपाली समाजको परिवेश र अहिलेको पुस्ताको प्रेमलाई एउटै कथामा जोडिएको फिल्म बाटुलो जूनको ट्रेलर सार्वजनिक गरिएको छ।

आगामी कार्तिक २६ गते रिलिमा आउने फिल्मको निर्माण टिमले रिलिजको एक साताअघि ट्रेलर सार्वजनिक गर्दै फिल्मको कथावस्तु र मुख्य पात्रहरूबारे संकेत गरेको छ। फिल्मको रोचक पक्ष हो, तत्कालीन स्टार भुवन केसी र अभिनेत्री गरिमा पन्तको प्रेमकथा तथा त्यसलाई नयाँ पुस्तामा निरन्तरता दिने अनमोल केसी र प्रिन्सी खतिवडाको जोडी। ४० वर्षअघिको नेपाली समाजको परिस्थिति र प्रेमिल सम्बन्धलाई प्रस्तुत गरिएको फिल्ममा भुवन स्वयं निर्देशकका रूपमा मात्र नभई अभिनयमा पनि देखिएका छन्।