लोकप्रियताको सदुपयोग गर्ने अवसर

लोकतन्त्रमा नयाँ नेतृत्वप्रति जनताले ठुलो आशा राख्नु स्वाभाविक हो। विशेषतः लामो समयदेखि राजनीतिक अस्थिरता, भ्रष्टाचार, दण्डहीनता, कमजोर सेवा प्रवाह र पुराना राजनीतिक शक्तिप्रतिको निराशाबाट गुज्रिरहेको समाजमा नयाँ अनुहारको आगमनले असाधारण आशा जगाउँछ।

नयाँ पुस्ताबाट आएको नेतृत्वमा ऊर्जा हुन्छ, परिवर्तनको हुटहुटी हुन्छ, स्थापित गलत अभ्यास तोड्ने साहस हुन्छ र पुरानो शक्तिसँग प्रश्नगर्ने क्षमता पनि हुन्छ। नेपालको वर्तमान राजनीतिक परिवेशमा प्रधानमन्त्री बालेन शाहप्रति जनताको एउटा ठुलो हिस्साले यस्तै अपेक्षा राखेको देखिन्छ।