पोखरामा सयपत्री फूलको मूल्य तोकियो, प्रतिकिलो ५०० रुपैयाँ

काठमाडौं – तिहारलाई लक्षित गर्दै पोखरा महानगरपालिकाले सयपत्री फूलको बिक्रीस्थल र मूल्य निर्धारण गरेको छ । महानगरले फूल बिक्रीका लागि १७ स्थान तोकेको छ भने प्रतिकिलो ५०० रुपैयाँ र प्रतिमाला २०० रुपैयाँ मूल्य कायम गरेको छ ।

महानगरको आर्थिक विकास महाशाखा प्रमुख मनोहर कडरियाका अनुसार तोकिएका बिक्रीस्थलमा आगामी आइतबारदेखि फूलको बिक्रीवितरण सुरु हुनेछ । पोखराका विभिन्न वडा कार्यालय, किसान बजार, कृषि सहकारी तथा सार्वजनिक स्थललाई बिक्री केन्द्रका रूपमा तोकिएको छ ।