तिहारलाई साढे ६४ करोडको झिलिमिली बत्ती आयात

उज्यालो र फूलहरूको पर्वका रूपमा परिचित तिहार सुरु भएसँगै बजारमा अहिले झिलिमिली बत्तीको कारोबारले गति लिन थालेको छ। कात्तिक २१ गतेदेखि तिहार (यमपञ्चक) सुरु हुँदै गर्दा घर, पसल, व्यापारिक प्रतिष्ठान, होटल तथा रेस्टुरेन्ट सजाउने विद्युतीय झिलिमिली बत्तीको माग बढ्न थालेको हो।

नेपालीहरूको दोस्रो ठूलो चाड यमपञ्चक (तिहार) सुरु भएपछि बजारमा झिलिमिली उज्यालो र मिठाइको रौनक बढेको छ। प्रकाशको पर्वका रूपमा मनाइने तिहारलाई लक्षित गर्दै यस वर्षको बजारमा झिलिमिली बत्ती तथा मिठाइको व्यापारले गति लिएको सम्बन्धित व्यवसायीको भनाइ छ।