जोखिमयुक्त क्षेत्रमा जथाभावी बेलिब्रिज राख्नु हुँदैन : महानिर्देशक जैसी

२० कात्तिक, काठमाडौं । सडक विभागका महानिर्देशक डा. विजय जैसीले बाढीपहिरोको उच्च जोखिम भएका क्षेत्रमा जथाभावी बेलिब्रिज निर्माण गर्दा ठूलो क्षति निम्तिन सक्ने बताएका छन् । उनले बेलिब्रिज राख्ने निर्णय गर्नुअघि भौगोलिक अवस्था, प्राविधिक पक्ष र सम्भावित जोखिमको गम्भीर मूल्याङ्कन गर्नुपर्नेमा जोड दिएका छन् ।

‘हिमालमा जलवायु परिवर्तनको प्रभाव तथा भोटेकोशी–त्रिशूली विपद्’ सम्बन्धमा गठित संसदीय विशेष समितिको आजको बैठकमा बोल्दै जैसीले बेलिब्रिज निर्माणमा हतार गर्न नहुने बताएका हुन् ।