उत्तरढोकामा ३ अर्ब खर्चेर वाणिज्य बैंकमध्ये नेपालकै ठूलो केन्द्रीय कार्यालय बनाउँदै ग्लोबल आइएमई

काठमाडौं । ग्लोबल आइएमई बैंकले काठमाडौंको उत्तरढोकामा अत्याधुनिक केन्द्रीय कार्यालय भवन निर्माण सुरु गरेको छ । बैंकका अध्यक्ष चन्द्रप्रसाद ढकालले धनतेरसको अवसर पारेर प्रस्तावित भवनको शिलान्यास तथा जग पूजा गरे ।

करिब १ लाख ४५ हजार वर्गफिट ‘बिल्टअप’ क्षेत्रफलमा निर्माण हुन लागेको यो भवन आगामी तीन वर्षभित्र सम्पन्न गर्ने लक्ष्य राखिएको छ । भवनको संरचना निर्माणदेखि भित्री साजसज्जा (इन्टेरियर) लगायत सम्पूर्ण कार्यका लागि करिब ३ अर्ब रुपैयाँ खर्च हुने अनुमान बैंकले गरेको छ ।