निर्माता अधिकारीको अभिव्यक्तिमा दीपकराजको आपत्ति, मानहानिको मुद्दा हाल्ने चेतावनी

काठमाडौं । गत दशैंको छेकोमा प्रदर्शनमा आएको चलचित्र ‘छ माया छपक्कै २’ बक्स अफिसमा फ्लप भएपछि निर्माता रोहित अधिकारी र मुख्य अभिनेता दीपकराज गिरीबीच विवाद चर्किएको छ । अधिकारीले नेपाल प्रेसमा दिएको अभिव्यक्तिप्रति गिरीले आपत्ति जनाएका छन् ।

चलचित्रका एकल निर्माता अधिकारीले ‘छ माया छपक्कै २’ मा ३ करोड ४० लाख लगानी गर्दा डेढ करोड घाटा खाएको नेपाल प्रेसलाई बताएका थिए । उनले गिरीप्रति विभिन्न विषयमा असन्तुष्टिसमेत पोखेका छन् । गिरीले आफूखुसी स्क्रिप्टमा छेडछाड गरेको, सेन्सर पासअघि आफूलाई चलचित्र हेर्नसमेत नदिइएको, ओभरसिज राइट्स आफूखुसी विक्री गरेको, चलचित्रमा आफूलाई थाहा नदिई ठूला दुई कम्पनीका विज्ञापन समावेश गरेको लगायत आरोपहरू उनले लगाएका थिए ।