सुनकोशी–मरिणको ठेक्का रद्दबारे छानबिन गर्न सार्वजनिक लेखा समितिमा निवेदन

काठमाडौं । राष्ट्रिय गौरवको सुनकोशी–मरिण डाइभर्सन बहुउद्देश्यीय आयोजनाको हेडवर्क्स तथा विद्युत्‌गृह निर्माणको ठेक्का रद्द गरिएको विषयमा छानबिन गर्न नेपाली कांग्रेसका सांसदहरूले सार्वजनिक लेखा समितिको बैठक बोलाउन माग गरेका छन् ।

नेपाली कांग्रेसका सांसद जनकराज गिरी र योगेश गौचन थकालीले समितिका सभापतिलाई निवेदन दिँदै ठेक्का रद्द गर्ने निर्णयको कानुनी आधार, त्यसबाट राज्यलाई पर्ने आर्थिक भार र कर्मचारीमाथि भएको भनिएको दबाबबारे छलफल तथा अनुसन्धान गर्न माग गरेका हुन् ।