चितवनमा भूमिहीन परिवारले पाए लालपुर्जा

काठमाडौं – जिल्ला भूमि समस्या समाधान समिति चितवनले रत्ननगर नगरपालिका–१२ का १७ परिवारलाई जग्गाधनी पुर्जा वितरण गरेको छ ।

पुर्जा प्राप्त गर्नेमा एक भूमिहीन दलित, चार भूमिहीन सुकुमबासी र १२ अव्यवस्थित बसोबासी परिवार छन्। लामो समयदेखि जग्गाको स्वामित्वबाट वञ्चित उनीहरूले लालपुर्जा पाएसँगै कानुनी रूपमा जग्गाधनी बनेको भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलको सचिवालयले जनाएको छ ।