प्रदीप र पल फेरि एउटै फिल्ममा, कृषाले बनाउँदैछिन् 'उही तिम्रो'

अभिनेता प्रदीप खड्का र पल शाह फेरि एउटै फिल्ममा देखिने भएका छन्। कृषा चौलागाईंको निर्देशनमा बन्न लागेको फिल्म 'उही तिम्रो'मा यी दुई अभिनेताले दोस्रोपटक सहकार्य गर्न लागेका हुन्। शुक्रबार पूजाआजा गर्दै फिल्मको शुभमुहूर्त गरिएको हो।

यसअघि फिल्म 'पूजार सार्की'मा पहिलोपटक पर्दा साझा गरेका प्रदीप र पल पुनः एउटै फिल्ममा देखिन लागेका हुन्। 'पूजार सार्की'ले बक्स अफिसमा राम्रो व्यवसाय गरेको थियो। दुई चर्चित अभिनेताको पुनः सहकार्यले 'उही तिम्रो'प्रति दर्शकको चासो बढाउने टिमको अपेक्षा छ।