सडक दुर्घटनाको दृष्य हेर्न भेला भएका मानिसलाई ट्रकले ठक्कर दिँदा सातजनाको मृत्यु

काठमाडौं : सडक दुर्घटना हेर्न भेला भएका मानिसहरूलाई तीव्र गतिमा गुडिरहेको ट्रकले किचेर ७ जनाको मृत्यु भएको छ। स्कुटर दुर्घटना हेर्न मानिसहरू दुर्घटनास्थलमा भेला भएका थिए। भारतको झारखण्डको खुन्टी जिल्लामा भएको भयानक सडक दुर्घटनामा सातजनाको मृत्यु भएको हो।

पहिलेको दुर्घटना हेर्न मानिसहरुको भीड जम्मा भएको थियो । ट्रक तीव्र गतिमा आउँदा त्यहाँ रहेका मानिसलाई कुल्चिएको थियो। मृत्यु हुनेमा तीन बालबालिका पनि रहेको प्रहरीले जनाएको छ। अँध्यारोमा ट्रक कुनामा मोडिरहेको बेला यो घटना भएको थियो।