ताप्लेजुङबाट हटाइयो ६ सय ४० जना मतदाताको नाम

ताप्लेजुङ जिल्ला निर्वाचन कार्यालय ताप्लेजुङले २०८२ साल चैत २३ देखि २०८३ भदौ २३ गतेसम्ममा ताप्लेजुङका लागि कायम भएको मतदातामध्ये मृत्यु भएका ६ सय ४० जनाको नाम हटाएको छ।

जिल्ला निर्वाचन कार्यालयका सूचना अधिकारी वान्दवराज (विपिन) दुलालका अनुसार यो अवधिमा ५ सय ४५ जनाको दोहोरो नाम हटाएको छ भने ३ सय ४९ जनाको ठेगाना परिवर्तन गरेको छ। २१ जनाको नाम प्रमाण नपुगेर रद्द भएको छ भने ३ जनाको नाम मतदाता नामावलीबाट हटाइएको समेत जिल्ला निर्वाचन कार्यालयले जनाएको छ।