पूर्वप्रधानमन्त्री माधवकुमार नेपालमाथि मुद्दैमुद्दा

काठमाडौं– पूर्वप्रधानमन्त्री एवम् नेपाली कम्युनिस्ट पार्टी (नेकपा) का सहसंयोजक माधवकुमार नेपालविरुद्ध भ्रष्टाचार मुद्दा थपिँदै गएको छ । प्रधानमन्त्री हुँदा गरेका मन्त्रिपरिषद् निर्णयसँग जोडिएको सरकारी जग्गा हिनामिना प्रकरणमा उनीमाथि एकपछि अर्को भ्रष्टाचार मुद्दा थपिँदै गएको हो ।

पतञ्जली योगपीठको जग्गा बिक्री प्रकरणमा भ्रष्टाचार मुद्दा खेपिरहेका नेपालविरुद्ध अख्तियार दुरुपयोग अनुसन्धान आयोगले मंगलबार अर्को मुद्दा दायर गरेको छ । यसपटक उनी मोरङको रिजाल क्यानिङ एन्ड कम्पनीको जग्गा सट्टापट्टा प्रकरणमा मुछिएका हुन् ।