तिहारअघिको अन्तिम कारोबार दिन नेप्से सकारात्मक, ३ अर्ब ४६ करोडको कारोबार

काठमाडौं : तिहार अघिको अन्तिम सेयर कारोबार दिन शुक्रबार नेप्से परिसूचक सामान्य अंकले बढेर बन्द भएको छ। परिसूचक २.६४ अंकले बढेर २६५५.२२ विन्दुमा पुगेको हो। नेपालीहरूको दसैंपछिको महान चाड तिहार भोलिदेखि सुरू हुँदैछ।

यसदिन ३३६ वटा स्क्रिप्सको १ करोड ७ लाख १३ हजार ८४२ कित्ता सेयर ३ अर्ब ४६ करोड २० लाख ५९ हजार ३२३ रुपैयाँमा खरिदबिक्री भए। यसदिन सेयर बजार सकारात्मक भए पनि कारोबार रकम भने बिहीबारको तुलनामा घटेको छ। बिहीबार ४ अर्ब ७२ करोडमाथिको कारोबार भएको थियो।