दानबहादुर कार्कीको रिटमा कात्तिक ३० गते सुनुवाइ हुने

काठमाडौं– प्रहरी महानिरीक्षक (आईजीपी) पदबाट हटाउने सरकारको निर्णयविरुद्ध दानबहादुर कार्कीले दायर गरेको रिट निवेदनमाथि कात्तिक ३० गते सर्वोच्च अदालतमा सुनुवाइ हुने भएको छ ।

सरकारले आफूलाई गैरकानुनी रूपमा पदबाट हटाएको दाबीसहित कार्कीले दायर गरेको रिट शुक्रबार सर्वोच्च अदालतमा दर्ता भएको हो । उनले सरकारको निर्णय बदर गरी आईजीपी पदमा पुनर्बहालीको माग गरेका छन् ।