‘३६ को आँकडा’को टिजर सार्वजनिक

काठमाडौं । अभिनेत्री रेखा थापा पछिल्लो समय फरक कथावस्तु र भूमिकासहित दर्शकमाझ आउने तयारीमा छिन्। उनी नेपाल प्रहरीको अधिकृतको भूमिकामा देखिँदैछिन्। यसैबीच, रेखा थापा र अभिनेत्री निरुता सिंहको अभिनय रहेको चलचित्र ‘३६ को आँकडा’को टिजर सार्वजनिक भएको छ।

प्रहरी पोशाकमा सार्वजनिक दृश्यमा देखिएकी रेखाको गम्भीर हाउभाउ, आत्मविश्वास र व्यक्तित्वले उनको भूमिकालाई प्रभावशाली बनाएको छ। न्यायको पक्षमा दृढतापूर्वक उभिने प्रहरी अधिकृतको चरित्रमा उनको प्रस्तुति सशक्त देखिन्छ। सार्वजनिक दृश्यले उनको फरक भूमिकाप्रति दर्शकमा चासो बढाएको छ।