भोटेकोशी विपद् पुनर्निर्माणमा पौने पाँच खर्ब लाग्ने अनुमान, बजेट अभाव हुन नदिने सरकारको प्रतिबद्धता

काठमाडौँ । भोटेकोशी बाढीबाट प्रभावित क्षेत्रको राहत, पुनर्निर्माण र पुनरुत्थानका लागि सरकारले बजेटको अभाव हुन नदिने स्पष्ट पारेको छ। शुक्रबार सिंहदरबारमा बसेको प्रतिनिधिसभा अन्तर्गतको ‘हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्सम्बन्धी संसदीय विशेष समिति’को बैठकमा अर्थमन्त्री डा. स्वर्णिम वाग्लेले यस्तो प्रतिबद्धता जनाएका हुन्।

बैठकमा मन्त्री वाग्लेले विपद्को गाम्भीर्यलाई मध्यनजर गर्दै पर्याप्त स्रोत जुटाउन सरकार गम्भीर रहेको बताए। उनका अनुसार बाढीका कारण तत्काल २.७ देखि २.८ बिलियन अमेरिकी डलर बराबरको क्षति भएको प्रारम्भिक अनुमान छ। यद्यपि, क्षतिग्रस्त संरचनाको दिगो पुनर्निर्माण गर्न ४.७ बिलियन डलर (करिब ६ खर्ब रुपैयाँभन्दा बढी) आवश्यक पर्ने आकलन गरिएको छ, जुन मुलुकको कुल गार्हस्थ्य उत्पादन (जीडीपी) को झन्डै १० प्रतिशत हिस्सा हो।