सेहवागको छक्का-चौकासँगै नेपालमाथि भारतको सानदार जित

एसिसी यू–१९ एसिया कप क्रिकेटमा नेपालले भारतसँग १० विकेटको लज्जास्पद हार बेहोरेको छ। ओमानको अल अमेरात क्रिकेट मैदानमा शुक्रबार भएको समूह ‘ए’ को खेलमा नेपालले दिएको १२९ रनको सामान्य लक्ष्य भारतले कुनै विकेट नगुमाई १९.१ ओभरमै पूरा गर्‍यो।

नेपालले टस हारेर पहिले ब्याटिङ गर्दै ४२.३ ओभरमा सबै विकेट गुमाएर १२८ रन बनाएको थियो। नेपालको ब्याटिङ सुरुदेखि नै कमजोर रह्यो। टोलीले २७ रन जोड्दा तीन विकेट गुमाइसकेको थियो।