पोखरा विमानस्थल भ्रष्टाचार मुद्दामा ऋण र भुक्तानीको विवरण झिकाउन आदेश

काठमाडौं । पोखरा क्षेत्रीय अन्तर्राष्ट्रिय विमानस्थल निर्माणमा भएको भनिएको आर्थिक अनियमितता तथा भ्रष्टाचारसम्बन्धी मुद्दामा विशेष अदालतले निर्माण कम्पनीलाई गरिएको भुक्तानी र चिनियाँ एक्जिम बैंकबाट लिइएको ऋणसम्बन्धी विवरण झिकाउन आदेश दिएको छ ।

विशेष अदालत काठमाडौंको इजलास नं. १ मा अध्यक्ष बासुदेव आचार्य तथा सदस्यद्वय डिल्लीरत्न श्रेष्ठ र उमेश कोइरालाको संयुक्त इजलासले सम्बद्ध निकायहरूबाट दुईवटा मुख्य विवरण माग गरी नियमानुसार पेश गर्न आदेश जारी गरेको हो ।