काठमाडौं महानगरको छात्रवृत्ति परीक्षामा १४ हजारभन्दा बढी विद्यार्थी उत्तीर्ण

काठमाडौं । काठमाडौं महानगरपालिकाले कक्षा ११ र १२ को छात्रवृत्ति छनोट परीक्षाको प्रारम्भिक नतिजा सार्वजनिक गरेको छ । नतिजाअनुसार १४ हजार ५७ जना विद्यार्थी उत्तीर्ण भएका छन् ।

छात्रवृत्ति परीक्षा समितिको निर्णयअनुसार परीक्षामा न्यूनतम ४० अंक प्राप्त गरेका विद्यार्थीको प्रारम्भिक योग्यताक्रमसहित नतिजा प्रकाशन गरिएको महानगरपालिकाले जनाएको छ ।