ममता हत्याकाण्डमा नरेशको बयान : शव व्यवस्थापन गरेको स्वीकार

काठमाडौं- अमेरिकाको भर्जिनियामा नेपाली नर्स ममता काफ्ले भट्टको हत्या प्रकरणका आरोपी पति नरेश भट्टले अदालतमा सनसनीपूर्ण बयान दिएका छन् । दुई वर्षभन्दा बढी समयदेखि बेपत्ता रहेकी ममताको शव अहिलेसम्म फेला परेको छैन ।

नरेशमाथि हत्या गरी शव टुक्रा-टुक्रा पारेर नष्ट गरेको अभियोगमा मुद्दा चलिरहेको छ । अदालतमा जारी सुनुवाइको क्रममा आफ्नो सफाइ पेस गर्दै नरेशले ममताले आत्महत्या गरेको दाबी गरेका छन् । उनले आत्महत्या गरी निधन भएकी ममताको शव व्यवस्थापन गरेको दाबी गरेका छन् ।