मगर समुदायको मौलिक संस्कृति जोगाउन इटहरीमा हुर्रा सम्मेलन

आफ्नो मौलिक पहिचान, भाषा र संस्कृति संरक्षण गर्दै नयाँ पुस्तामा ज्ञान हस्तान्तरण गर्ने उद्देश्यले मगर समुदायले इटहरीमा आयोजना गरेको दुईदिने हुर्रा सम्मेलन शुक्रबार सम्पन्न भएको छ ।

। मुख्य गरेर मगर युवा तथा युवतीले आ–आफ्नो भेषभूषा र जातीय पहिरनमा रहेर मादल, झ्यालीसहित सामूहिक ढंगले सम्मेलनको दोस्रो दिन शुक्रबार इटहरी रंगशालामा हुर्रा नृत्य प्रदर्शन गरे । हुर्रा नृत्य अवलोकन गर्न देशभरका मगर समुदायको प्रतिनिधीत्व रहे पनि नृत्य प्रदर्शन गर्न कोशी प्रदेशका जिल्लाबाट मात्र सहभागिता रहेको थियो । जसमा प्रायः एउटा जिल्लाबाट सातदेखि दसवटा टीमको सहभागिता रहेको नेपाल मगर संघकी केन्द्रीय महासचिव रञ्जिता मगरले बताइन् ।