'जलाकी'को रोमान्टिक गीत 'पहिलो माया' सार्वजनिक

मंसिर ४ गतेदेखि प्रदर्शनमा आउने फिल्म 'जलाकी'को रोमान्टिक गीत सार्वजनिक गरिएको छ। निर्माण टिमले शुक्रबार रोहित सोनार र मेलिना राईको स्वर समावेश 'पहिलो माया' बोलको गीत सार्वजनिक गरेको हो।

सरित रायनको संगीत तथा कम्पोजिसन रहेको गीतमा राम अबिरल बिष्टको शब्द रचना छ। भिडिओमा फिल्मका मुख्य कलाकार उपासना सिंह ठकुरी र सोनम तोप्देनलाई मुख्य रूपमा प्रस्तुत गरिएको छ। प्रेमी-प्रेमिकाबीचको प्रेम र आकर्षणलाई देखाइएको भिडिओमा उपासना र सोनमको जोडी देख्न सकिन्छ।