भीड नियन्त्रणमा न्यूनतम बल र अधिकतम संयमता अपनाउनुहोला : सशस्त्र आईजीपी पौडेल

काठमाण्डु – सशस्त्र प्रहरी बल नेपालका महानिरीक्षक (आईजीपी) नारायण दत्त पौडेलले भीड नियन्त्रणका क्रममा न्यूनतम बल र अधिकतम संयमता अपनाउनुपर्ने तथा भीड नियन्त्रण गर्नु भनेको नागरिकसँग भिड्नु वा द्वन्द्व बढाउनु नभई परिस्थिति नियन्त्रणमा लिएर शान्ति र सुव्यवस्था कायम गर्नु रहेको बताएका छन् ।

शुक्रबार सशस्त्र प्रहरी बल नेपाल दंगा नियन्त्रण रेजिमेन्ट निलबाराही काठमाण्डुको स्थलगत निरीक्षण कार्यक्रममा रेजिमेन्टद्वारा आयोजित हुल तथा दंगा व्यवस्थापन सम्बन्धी डेमोन्स्ट्रेसन अवलोकनका क्रममा महानिरीक्षक पौडेलले भिड तथा दंगा नियन्त्रण आन्तरिक सुरक्षा व्यवस्थापनको महत्वपूर्ण पक्ष रहेकोले जुनसुकै परिस्थितिमा पनि संगठनको व्यावसायिक दक्षता, निष्पक्षता र कानुनसम्मत कार्यसम्पादन कायम राख्नुपर्नेमा जोड दिँदै सुरक्षा फौज सदैव उच्च सतर्क अवस्थामा रहनुपर्ने बताए ।