‘मातृभूमि’मा सलमानको युद्ध, अनूप विक्रमको बलियो उपस्थिति

भारतीय सुपरस्टार सलमान खान र नेपाली अभिनेता अनूप विक्रम शाही अभिनीत बहुप्रतीक्षित युद्धप्रधान फिल्म ‘मातृभूमिः मे वार रेस्ट इन पिस’ अन्ततः आगामी डिसेम्बर ४ मा सिनेमाघरमा प्रदर्शन हुने भएको छ। पटक–पटक प्रदर्शन मिति सर्दै आएको फिल्मको नयाँ मिति सलमानले शुक्रबार मुम्बईमा आयोजित प्रचारात्मक कार्यक्रममा घोषणा गरेका हुन्।

यसअघि ‘ब्याटल अफ गलवान’ नामबाट घोषणा गरिएको फिल्मको नाम यसै वर्ष परिवर्तन गरी ‘मातृभूमिः मे वार रेस्ट इन पिस’ राखिएको थियो। भारतीय तथा अन्तर्राष्ट्रिय सञ्चारमाध्यमका अनुसार, फिल्मको पटक–पटकको ढिलाइलाई लिएर विभिन्न अड्कलबाजी भइरहेका बेला सलमानले यसको प्रमुख कारण भिजुअल इफेक्ट्स (भीएफएक्स)लाई उत्कृष्ट बनाउने प्रयास र छायांकनका क्रममा आएको अवरोध भएको स्पष्ट पारेका छन्।