लगातार हारपछि अर्जुनले भने : बाँकी तीन खेल जित्ने प्रयास हुनेछ

काठमाडौं – नेपाल प्रिमियर लिग (एनपीएल)को तेस्रो संस्करणमा लगातार हार बेहोरेपछि पोखरा एभेन्जर्स दबाबमा परेको छ । प्रतियोगितामा अपेक्षाअनुसार प्रदर्शन गर्न नसकेको पोखराले अब बाँकी खेल जित्दै सुखद अन्त्य गर्ने लक्ष्य राखेको छ ।

पोखराका युवा ब्याटर अर्जुन कुमालले बाँकी तीन खेल जित्ने प्रयास गर्ने बताएका छन् । लगातारको हारले टोली निराश भए पनि प्रतियोगितामा अझै अवसर बाँकी रहेकाले आगामी खेलमा राम्रो प्रदर्शन गर्ने उनको भनाइ छ ।