भूमिहीनलाई पुर्जा वितरण प्रक्रिया तीव्र

भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलको भ्रमणपछि झापामा भूमिहीनलाई जग्गाधनी पुर्जा वितरणको प्रक्रिया तीव्र पारिएको छ ।

जिल्ला भूमि समस्या समाधान समितिले पहिलो चरणमा तीन स्थानीय तहका दुई हजार ३३९ परिवारलाई पुर्जा वितरण गर्ने तयारी गरेको छ । समितिको आजको बैठकले बुद्धशान्ति, अर्जुनधारा र मेचीनगरबाट प्रमाणीकरण भई आएका भूमिहीन दलित, भूमिहीन सुकुम्बासी तथा अव्यवस्थित बसोबासी परिवारको नामावली सार्वजनिक गरेको हो ।