कृषि अध्ययन गरेका युवाको सयपत्री सपना

नवलपरासी (बर्दघाट–सुस्तापूर्व)को गैँडाकोटका युवाले तिहारलाई लक्षित गर्दै लगाएको सयपत्री फूल ढकमक्क फुलेको छ । कृषि विषय लिएर स्नातकोत्तर गर्दै गरेका युवा आशिष कँडेलको संयोजकत्वमा गैँडाकोट–५ मा सामूहिक फूल खेती गरिएको हो ।

स्थानीय २५ जना युवाले सबैको हात नामक संस्था स्थापना गरी फूल खेतीको सुरुआत गरेका हुन् । युवाले कृषि विश्वविद्यालय तथा स्थानीय नर्सरीबाट प्रतिगोटा रु पाँचका दरले टेनिस बल प्रजातिको तीन हजार ४०० बिरुवा खेती गरिएको संस्थाका उपाध्यक्ष कँडेलको भनाइ छ