भारतको धार्मिक नगरी अयोध्यासँग रेलले जोडिँदै जनकपुर

जनकपुरधाम । जनकपुरधाम र भारतको अयोध्याबिच रेल सम्पर्क स्थापित गर्ने तयारी तीव्र बनेसँगै मिथिलाको धार्मिक नगरी जनकपुरधामको पर्यटन विकासमा नयाँ सम्भावनाको ढोका खुल्ने अपेक्षा गरिएको छ ।

जानकी मन्दिर रहेको सहर जनकपुर र रामको मन्दिर भएको भारतीय सहर अयोध्यालाई रेलमार्गबाट जोड्ने प्रस्ताव कार्यान्वयनमा आए जनकपुरमा अन्तर्राष्ट्रिय धार्मिक पर्यटकीय गन्तव्यका रूपमा थप परिचित हुने अवसर पाउनेछ ।