तिहारका लागि पोखरा आइपुगे ७०० च्याङ्ग्रा

तिहारका लागि मुस्ताङ, डोल्पा र मुगुलगायत हिमाली जिल्लाबाट भेँडाच्याङ्ग्रा लिएर व्यापारी पोखरा आइपुगेका छन् ।

पोखरा महानगरपालिका–१ सिमपानीमा बिक्रीका लागि भेँडाच्याङ्ग्रा राखिएको छ । मुस्ताङका व्यापारी पेम्बा छिरिङका अनुसार यस वर्ष तिहारका लागि ७०० च्याङ्ग्रा पोखरा ल्याइएको छ । मुस्ताङबाट बाहिरिएका एक हजार २०० च्याङ्ग्रामध्ये ५०० काठमाडौँ र ७०० पोखरा ल्याइएको उनले बताए ।