रुघा लागेकै बेला चर्को स्वरमा चिच्याएर विश्व कीर्तिमान

बेलायतकी एक महिलाले रुघा लागेकै बेला चर्को स्वरमा चिच्याएर विश्व कीर्तिमान बनाएकी छन्। उनको आवाज कारको ठुलो हर्नसँग तुलना गरिएको छ।

बेलायतको सफोकस्थित न्युमार्केटकी ब्रेन्डा विलिसनले १०५.९ डेसिबलको आवाज निकाल्दै विश्वकै सबैभन्दा चर्को स्वरमा चिच्याउने महिलाको कीर्तिमान बनाएकी हुन्। उनले ‘ओयेज’ शब्द चिच्याएकी थिइन्। गिनिज वर्ल्ड रेकर्ड्सले उनको कीर्तिमान पुष्टि गरेको छ।