रङ, संगीत र उज्यालोको उत्सव: तिहार

दीपावली, यमपञ्चक तथा यमदीपदान नामले चिनिने पर्व तिहार नेपाली हिन्दु समाजको एउटा शारदीय उत्सव हो। प्रकृतिको शालीन स्वभाव र मनोरम दृश्ययुक्त वातावरण रहने शरद् ऋतुमा पर्ने यो चाड हिन्दुहरूको मौलिक पहिचान बोकेको अनुपम पर्व हो।

पाँच दिनसम्म मनाइने यस पर्वको धार्मिक, पौराणिक, सामाजिक र सांस्कृतिक महत्त्व अनुकरणीय छ। यो चाड केवल धार्मिक आस्था र परम्पराको निरन्तरता मात्र होइन, सामाजिक सम्बन्ध, सांस्कृतिक पहिचान र सामूहिक खुसीको अभिव्यक्ति पनि हो।