डेब्युमै मिलरको ‘सरप्राइज’

विश्व क्रिकेटमा आफ्नो आक्रामक ब्याटिङका लागि परिचित दक्षिण अफ्रिकाका डेविड मिलरले कीर्तिपुरमा नेपाली समर्थकमाझ आफ्नो क्षमता देखाउन कुनै समय लगाएनन्।

पहिलोपल्ट नेपाल प्रिमियर लिग (एनपिएल) को मैदानमा उत्रिएका मिलरले सुरुमै आफ्नो छवि देखाए। नेपाली क्रिकेटप्रेमीलाई उनले आफ्नो ब्याटिङको झलक देखाए। त्रिवि क्रिकेट मैदानमा शुक्रबार सुदूरपश्चिम रोयल्सविरुद्ध उनको ब्याट चम्कियो। कर्णालीका समर्थकले उनको उत्कृष्ट प्रदर्शन हेर्न त पाए, आफ्नो टोली कर्णालीको जित भने देख्न पाएनन्।