के तपाईं आफ्नो जीवनसाथीप्रति पूर्ण निष्ठावान् हुनुहुन्छ ?

हिमाली जिल्लाका दूरदराजका बस्तीहरूमा व्यावसायिक कामको सिलसिलामा हामी तैनाथ थियौँ। ठूलै टिम सो प्राविधिक कार्यका लागि क्रियाशील थियो, जसमा एक जना महिला सहकर्मी पनि हुनुहुन्थ्यो।

योजनामुताबिक हामी खटिएको जिल्लाका सबै स्थानीय तहमा पुग्नुपर्ने थियो। तर, यो पटकको एक स्थानीय तहको यात्रामा अन्य सदस्यहरू जिल्लाकै काममा व्यस्त हुने भएकाले सहभागी हुन नसक्ने भए। फलस्वरूप, त्यो यात्रामा हामी दुई जना- ती महिला सहकर्मी र म मात्र यात्रा गर्ने भयौँ।