परोपकारका नाममा उठाएको ५२ करोड चन्दा व्यक्तिगत विलासितामा खर्च गरेको आरोपले हंगामा

थाइल्यान्डकी पूर्वमिस थाइल्यान्ड तथा अभिनेत्री पनाद्दा ‘बुम’ वोंगफुडीमाथि परोपकारी संस्थाका नाममा संकलन गरिएको रकममध्ये ५२ करोड ७० लाख भाट व्यक्तिगत प्रयोजनमा खर्च गरेको आरोप लागेको छ।

उनको नेतृत्वमा रहेको गुडनेस फाउन्डेसनले संकलन गरेको ८१ करोड ५० लाख भाटमध्ये ठूलो हिस्सा व्यक्तिगत खर्च, विलासी सामान खरिद र लगानीमा प्रयोग भएको प्रहरीको प्रारम्भिक अनुसन्धानबाट खुलेको हो।