सांसदको नाराबाजीपछि सुदूरपश्चिम प्रदेशसभा बैठक आधा घण्टालाई स्थगित

धनगढी । प्रतिपक्ष दलले मुख्यमन्त्री खगराज भट्टको राजीनामा मागेपछि सुदूरपश्चिम प्रदेशसभा बैठक शनिबार (कात्तिक २१) आधा घण्टाका निम्ति स्थगन गरिएको छ ।

यस दिन बैठक सुरु गरिएलगत्तै नेपाली कांग्रेसका प्रदेशसभा सदस्य विक्रम धामीले बजेटप्रति असन्तुष्टि जनाए । अपुरो र अपुष्ट बजेट ल्याइएको भन्दै उनले विरोध जनाएका हुन् । त्यसपछि सबै प्रतिपक्ष सांसदले आसनबाट उठेर विरोध जनाए ।