दरबारमार्गमा २३औँ काग सम्मेलन, सयौँ काग एकै ठाउँमा भेला

काठमाडौं– यमपञ्चक अर्थात् तिहारको पहिलो दिन काग तिहारको अवसरमा आज काठमाडौंको दरबारमार्गस्थित नारायणहिटी दरबार अगाडि २३औँ ‘काग सम्मेलन’ आयोजना गरिएको छ। सम्मेलनमा सयौँ कागलाई एकै ठाउँमा भेला गराइएको थियो।

राष्ट्रिय सङ्गीतकर्मी सङ्घले आयोजना गरेको सम्मेलनमा कलाकार रमेश दुलालले कागको हुबहु आवाज निकालेर आकाश तथा वरपरका रूखमा रहेका कागलाई कार्यक्रमस्थलमा बोलाएका थिए। उनले कागको आवाज निकाल्न थालेपछि केही समयमै दरबारमार्ग क्षेत्र सयौँ कागले भरिएको थियो।