धनकुटामा सयपत्री फूलखेती फस्टाउँदै, तिहारले किसानलाई आम्दानीको आशा

धनकुटा– धनकुटाका खेतबारी यतिबेला सयपत्री फूलले ढकमक्क भएका छन्। पहेँलो र सुन्तला रङका फूलले गाउँका पाखा तथा बारीको सौन्दर्य बढाउनुका साथै किसानमा आम्दानीको आशासमेत जगाएका छन्।

तिहार नजिकिएसँगै धनकुटाका फूल किसानलाई फूल टिप्ने, माला बनाउने र बजारसम्म पुर्‍याउने चटारो छ। तिहारमा घर सजाउनदेखि भाइटीकामा दाजुभाइलाई माला लगाइदिनेसम्म सयपत्री फूलको माग उच्च हुने भएकाले किसानले यसलाई आम्दानीको अवसरका रूपमा लिएका छन्।