तिहारका लागि बजारमा भित्रिन थाले हिमाली च्याङ्ग्रा (तस्बिरहरू)

बागलुङ – तिहार नजिकिएसँगै हिमाली च्याङ्ग्रा सहर तथा बजारमा भित्रिन थालेका छन् । चाडपर्वका बेला च्याङ्ग्राको मासु खाने प्रचलन रहेकाले व्यापारीले हिमाली क्षेत्रबाट च्याङ्ग्रा ल्याएर विभिन्न सहरमा बिक्रीका लागि पुर्‍याउन थालेका हुन् ।

पछिल्लो एक सातादेखि हिमालपारिको जिल्ला मुस्ताङ हुँदै डोल्पा र तिब्बतबाट भेडाच्याङ्ग्रा बजारमा आउन थालेका छन् । व्यापारीले बागलुङ, पर्वत, कास्की, काठमाडौँ, चितवन र बुटवलसम्म च्याङ्ग्रा पुर्‍याउने तयारी गरेका छन् ।